ملتان(نیوزڈیسک)جنوبی پنجاب میں بجلی چوروں اور نادہندگان کیخلاف آپریشن کا ایک ماہ مکمل ،میپکو ریجن میں 30 روز کے دوران 6218 افراد بجلی چوری کرتے ہوئےپکڑ لیے۔ 5943 بجلی چوروں کے خلاف مقدمات درج ہوئے، ترجمان میپکو کے مطابق4722 افراد کو بجلی چوری کرنے پر گرفتار کیا گیا.ایک کروڑ یونٹس چوری کرنے پر 42 کروڑ 25 لاکھ روپے جرمانہ عائد، 16 کروڑ روپے سے زائد جرمانہ وصول کیا گیا،نادہندگان کے خلاف جاری آپریشن میں ایک ارب 78 کروڑ روپے وصول ۔ وصولیاں 76 ہزار 634 گھریلو، 5 ہزار 541 کمرشل صارفین سے کی گئیں ۔586 صنعتی اور 3 ہزار 721 نادہندہ زرعی ٹیوب ویلوں سے بھی ریکوری کی گئی۔