کراچی (نیوزڈیسک)کراچی میں امریکی ڈالرز کے گھروں میں سٹاک کے حوالے سے نئے انکشافات نے ملک بھر میں نئی بحث چھیڑ دی ۔ ذرائع کے مطابق کراچی میں 50 ملین ڈالرز گھروں میں چھپائے جانے کا انکشاف سامنے آگیا جن میں اولڈ سٹی ایریا سرفہرست ہے۔ ذرائع کے مطابق فہرستوں میں شامل افراد کے گھروں پر ٹارگٹڈ کارروائیاں شروع کی جاچکی ہیں،ذرائع کے مطابق ڈالرز مافیا کی جانب سے 50 ملین سے زائد امریکی ڈالرز گھروں میں چھپائے جانےکی نشاندہی کے بعد متعلقہ ادارے متحرک کردیئے تھے ، حساس ادارے شبانہ روز تحقیقات کر رہے ہیں۔ ذرائع کے مطابق حساس اداروں نے مختلف بینکوں اور منی چینجرز کا ریکارڈ حاصل کررکھا ہے اور امریکی ڈالر سمیت دیگر غیر ملکی کرنسی کی خرید و فروخت میں ملوث افراد کی فہرستیں بھی مرتب کرلی گئی ہیں۔ ذرائع کے مطابق غیر ملکی کرنسی کو انویسٹمنٹ سمجھ کر خریدنے والے بڑے مگر مچھوں نے تاحال 50 ملین سے زائد امریکی ڈالرز اور دیگر غیر ملکی کرنسی واپس جمع نہیں کرائی ۔ایسے مافیاز کی فہرستوں میں شامل افراد کراچی کے اولڈ سٹی ایریا کے علاقے لیاری، کھارادر، میٹھادر، صدر، باتھ آئی لینڈ، کلفٹن، ڈیفنس اور دیگر علاقے شامل ہیں۔
