اسلام آباد(نیوزڈیسک)اسلام آباد میں قائم امریکی سفارتخانے نے امریکہ کا ویزہ حاصل کرنے کے خواہشمندپاکستانیوں کیلئے خوشخبری دیدی۔ پاکستان سے ویزہ درخواستوں کی تعداد تاریخ کی بلند ترین سطح پر پہنچ گئی۔ امریکی سفارتخانہ درخواستوں کو نمٹانے اور ویزا اپوائنٹمنٹ کے وقت میں کمی لانے کیلئے کوشاں ہے۔امریکہ سفارتخانہ جلد10 ہزار نان امیگرنٹ ویزا درخواستوں پر انٹرویوکریگا۔ 2024 میں شیڈول انٹرویوز اسی سال لئے جائیں گے ۔درخواست گزار ویزہ اپوائنمنٹ کینسل کرکے دوبارہ نئی تاریخ لے سکیں گے۔کراچی قونصلیٹ 25 ستمبر سے انٹرویو سے مستثنیٰ افراد سے درخواستیں وصول کریگا۔ انٹرویو سے استثنیٰ بارے معلومات ویب سائٹ سے لی جاسکتی ہیں۔ امریکی سفارتخانہ اسلام آباد انٹرویو سے مستثنیٰ افراد کی درخواستیں پہلے ہی وصول کررہا ہے۔