راولپنڈی(نیوزڈیسک) سستا ٹریکٹر خریدنے کا فیس بک پر اشتہار باپ بیٹے کو مہنگا پڑ گیا، رحیم یار خان جانیوالا پاک بحریہ کا ملازم والد سمیت اغوا کرلیا گیا۔ سستا ٹریکٹر خریدنے جانیوالے ملازم کا تعلق راولپنڈی کے علاقے جاوا سے ہے۔ جس کے بھائی کی مدعیت میں اغوا برائے تاوان کا مقدمہ درج کرلیا ۔مغوی یاسر رضا پاکستان نیوی کا حاضر سروس ملازم ہے، جو فیس بک پر ٹریکٹر کا اشتہار دیکھ کر والد محمد مسکین کے ہمراہ رحیم یار خان پہنچ گیا ۔ رابطہ کرنے پر دونوں نمبر بند ملے، جس کے بعد فیس بک اشتہار پر درج نمبر پر رابطہ کیا تو اغوا کا معلوم ہوا۔مغوی باپ بیٹا ٹریکٹر خریدنے کیلئے ساڑھے گیارہ لاکھ روپے لے کر گئے تھے۔ ملزمان نے رہائی کیلئے مزید رقم کا مطالبہ بھی کر دیا۔