اسلام آباد(نیوزڈیسک)نگراں حکومت نے عوام پر ایک اور مہنگائی بم گراد دیا، گیس شعبے کو ہونیوالے نقصانات کا بوجھ عوام پرڈالنے کا فیصلہ ،ذرائع کے مطابق آئندہ ہفتے گیس کی قیمت میں 50 فیصد سے زائد اضافہ متوقع ہے۔گیس سیکٹر کا سالانہ نقصان 350 ارب روپے ہے جبکہ گردشی قرضہ 2700 ارب تک پہنچ چکا ۔ سوئی ناردرن کے ٹیرف میں 415 روپے فی ایم ایم بی ٹی یو اور سوئی سدرن کیلئے 417 روپے فی ایم ایم بی ٹی یو اضافہ ہوگا۔ گیس کی قیمتوں میں اضافے سے متعلق اوگرا پہلے ہی منظوری دے چکی ہے۔ذرائع کے مطابق اوگرانے حتمی منظوری اور قیمتوں میں اضافے کا فیصلہ وفاقی حکومت کو بھجوایا تھا، ایل این جی اور قدرتی گیس کے درآمدی ٹیرف کے فرق کو بھی ختم کیا جائے گا۔آئی ایم ایف معاہدے کے مطابق گیس کی قیمتوں میں اضافے کا اطلاق یکم جولائی سے ہوگا، وزارت توانائی اضافے سے متعلق باضابطہ نوٹی فکیشن جاری کرے گی۔
