اسلام آباد (نیوزڈیسک)چیف جسٹس سپریم کورٹ آف پاکستان عمر عطا بندیال نے کہا ہے کہ اقلیتوں کے حقوق کا تحفظ ریاست کا بنیادی فرض ہے،ہمارا آئین بھی اقلیتوں کو تحفظ فراہم کرتا ہے۔جمعرات کو وفدسے گفتگومیں انہوں نے کہاکہ اقلیتوں کو درپیش چیلنجز کیلئے مشترکہ کاوشوں کی ضرورت ہے۔انہوں نے کہاکہ ملک میں ہر پاکستانی کو مذہبی آزادی حاصل ہے، سپریم کورٹ آف پاکستانی اقلیتوں کے حقوق کی امین ہے۔چیف جسٹس نے کہا کہ سپریم کورٹ نے اقلیتوں کے حقوق کے تحفظ کیلئے متعدد فیصلے بھی کیےجبکہ مسیحی اور ہندو برادری کی عبادت گاہوں کے تحفظ کیلئے بھی اقدامات کیے۔
