لندن(نیوزڈیسک)قائد مسلم لیگ (ن) میاں محمد نواز شریف نے لیگی رہنماء طلال چوہدری کو توہین عدالت کیس میں 5 سالہ نا اہلی کی سزا ثابت قدمی سے کاٹنے پر مبارک باد دی ہے،بدھ کو جاری ایک بیان میں نواز شریف نے کہا کہ جھوٹے مقدمات، سزاؤں، نااہلیوں اور ہر طرح کے ظلم کو میں نے اور میرے ساتھیوں نے صبرو استقامت سے برداشت کیا مگر ناانصافی پر مبنی ان فیصلوں کی سزا پاکستان نے بھگتی ہے۔انہوں نے کہاکہ اگر اللّٰہ تعالیٰ نے مسلم لیگ( ن) کو دوبارہ موقع دیا تو 2017ء سے بھی بہتر پاکستان بنائیں گے،میاں نوازشریف نے کہاکہ 2017ء کے پھلتے پھولتے پاکستان کو ناانصافی کے فیصلوں نے اس نہج تک پہنچا دیا ہے کہ غریب عوام دو وقت کی روٹی کو بھی ترس گئے ہیں۔