راولاکوٹ(نیوزدیسک)بانی آزادکشمیر ومعروف کشمیری رہنما غازی ملت سردار ابراہیم خان کی آج ریاست بھر میں 20ویں برسی عقیدت واحترام سے منائی جارہی ہے۔ غازی ملت سردار ابراہیم خان کو ہم سے بچھڑے 20 برس بیت گئے۔بانی آزادکشمیر غازی ملت سردار ابراہیم خان 22 اپریل 1915 کو ضلع پونچھ کے علاقے کوٹ مٹے خان میں پیدا ہوئے اسلامیہ کالج لاہور سے بی اے، یونیورسٹی آف لندن اور لنکنز ان سے وکالت کی ڈگری حاصل کی1946 میں جموں و کشمیر اسمبلی کے رکن منتخب ہوئے19 جولائی 1947 کو اپنی رہائشگاہ پر جموں و کشمیر مسلم کانفرنس کے اجلاس میں قرارداد الحاق پاکستان منظور کروائی24 اکتوبر 1947 کو پونچھ بغاوت کے دوران مہاراجہ ہری سنگھ کی فوج کو عبرتناک شکست دے کر آزاد جموں و کشمیر کی بنیاد رکھی۔1948 میں آزاد جموں و کشمیر کے پہلے صدر منتخب ہوئے۔سردار ابراہیم خان چار مرتبہ آزاد جموں و کشمیر کے صد متخب ہوئے۔31 جولائی 2003 کو 88 برس کی عمر میں انتقال کرگئے جنہیں ان کے آبائی گاؤں کوٹ مٹے خان میں سپرد خاک کیا گیا۔ تحریک آزادی کشمیر کیلئے گراں قدر خدمات کی بدولت انھیں بانی کشمیر اور غازی ملت کے القابات سے یاد کیا جاتا ہے۔