اسلام آباد(نیوزڈیسک)پاکستان مسلم لیگ (ن) کے راہنماءطلال چوہدری نے کہا ہے کہ 2023 کا الیکشن 2013 کا ری پلے ہوگا، نواز شریف دو تہائی اکثریت سے واپس آ رہے ہیں، کیا چیئرمین پی ٹی آئی قانون سے بالا تر ہیں؟ وہ چاہے پاکستان کی حساس تنصیبات پر حملے کرے یا پاکستان کے مفاد پر اسے نہیں پوچھا جا سکتا؟ پاکستان کے نظام انصاف کو ایک لاڈلے نے لولا اور لنگڑا بنا دیا ہے،ایسے ماحول میں صاف اور شفاف انتخابات کیسے ہو سکتے ہیں؟اگر حلف کی رو گردانی اور سائفر پر سزا نہیں دینی تو حلف اور آئین کےآرٹیکل چھ کو ختم کر دینا چاہیئے،تھوڑا صبر کریں اس نے سائفر کا ملبہ اعظم خان پرڈال کر کہنا ہے کہ مجھے سیکرٹری بھی اچھا نہیں ملا،نیشنل پریس کلب اسلام آباد میں پریس کانفرنس کرتے ہوئے ن لیگ کے راہنما ءطلال چوہدری نے کہا کہ ریاست کو بچانے کے لیے ہم نے اپنی سیاست کو قربان کیا ہے، الیکشن کے لیے ہم بالکل تیار ہیں، ہم نے ماضی میں پرفارمنس دکھائی ہے، الیکشن کے لیے مسلم لیگ ن کا ہوم ورک مکمل ہے، ہم چاہتے ہیں جلد از جلد الیکشن ہوں، یہ الیکشن الزامات اور گالی کی بنیاد پر نہیں بلکہ کردار اور پرفارمنس کی بنیاد پر ہونےچاہیں،انہوں نے کہا کہ چیئرمین پی ٹی آئی کیا قانون سے بالا تر ہیں؟ نو مئی کو عمران خان کے کہنے پر شہداء کی یادگاروں اور دفای تنصیبات پر حملے کئے گئے، جس جس بندے نے اس پر احسان کیا اس نے اسی کو ڈھنگ مارا ہے،یہ اب اعظم خان کو بھی ڈھنگ مارے گا، اگر سائفر میں کچھ تھا تو سائفر اور منٹس آف دی میٹنگ کیوں چرا کر لے گیا؟اس نے جو خط لہرایا تھا اس کے بعد کتنے سائفر آئے ہونگے مگر حکومت نے ان کو تو اوپن نہیں کیا؟اس نے اپنی ذات کو سیاسی فائدہ پہنچانے کیلئے پاکستان کے تعلقات دوسرے ممالک ے خراب کر لئے، لاڈلے کو عدالتوں میںڈھیل دی جا رہی ہے، جن بلوائیوں نے پاکستان کے شہداءکی یادگاروں کو نہیں چھوڑا وہ پولنگ اسٹیشنز کو چھوڑیں گے؟پاکستان کے نظام انصاف کو ایک لاڈلے نے لولا اور لنگڑا بنا دیا ہےاگر عدالتیں ایک ملزم کیخلاف قانون کے مطابق کارروائی نہیں کرتیں تو ایسے ماحول میں صاف اور شفاف انتخابات کیسے ہو سکتے ہیں؟ کیوں آرٹیکل چھ کے تحت کارروائی نہیں ہو سکتی؟اگر حلف اور آئین شکنی پر سزا نہیں دینی تو انہیں ختم کر دیں۔