کراچی(ا ے بی این نیوز)ایف بی آر کا پاکستان کسٹمز کلکٹرز کے خلاف اربوں روپے کی مبینہ کرپشن میں تحقیقات کے بعد ایکشن لے لیا، تبادلوں کے احکامات جاری ۔کرپشن الزامات پر گریڈ 20 کے حامل کلکٹرز کسٹمز عہدوں سے فارغ،نئے افسران تعینات کردیئے،نوٹیفکیشن بھی جاری کردیا۔ میگا کرپشن کے الزام میں ثاقب سعید ڈائریکٹر ٹرانزٹ ٹریڈ عہدے سے فارغ ،۔ کلکٹر کسٹمز عثمان باجوہ اور کلکٹر کسٹمز عامر تھہیم کو بھی عہدوں سے ہٹاکراسلام آباد رپورٹ کرنے کا حکم ۔ باسط مقصود عباسی کو کلکٹر کسٹمز انفورسمنٹ کراچی تعینات کردیا جبکہ سعدیہ شیراز کو ڈائریکٹر ٹرانزٹ ٹریڈ کا اضافی چارج دے دیا۔الزامات کا سامنا کرنیوالے کسٹمز افسران کے نام اسٹاپ لسٹ میں شامل کردیئے،چھالیہ اسمگلر عمران نورانی کا نام بھی اسٹاپ لسٹ میں ڈال دیا گیا،.ذرائع کے مطابق ایف آئی اے کو مطلوب کسٹمز افسران کو بیرون ملک فرار سے روکنے میں اہم پیش رفت ہوئی ،کرپشن میں ملوث کسٹمز افسران کے نام اسٹاپ لسٹ پر ڈال دیئے گئے،کسٹمز کلیکٹرز ثاقف سعید، عثمان باجوہ،عامر تھہیم کا نام ایف آئی اے اسٹاپ لسٹ پر ڈال دیا گیا، گرفتار کسٹم افسر یاور عباس اور طارق محمود کا نام بھی اسٹاپ لسٹ میں شامل کردیئے گئے جبکہ چھالیہ کے اسمگلر عمران نورانی کا نام بھی ایف آئی اے نے اسٹاپ لسٹ پر ڈال دیا گیا،ایف آئی اے امیگریشن کو مطلوب کسٹمز افسران کی فہرست ایف آئی اے اینٹی کرپشن سرکل نے بھیجی ہے۔دریں اثنا جوڈیشل مجسٹریٹ جنوبی نے کسٹمز میگا کرپشن اسکینڈل میں گرفتار 2 کسٹم افسران کے ریمانڈ میں توسیع کردی۔
