لاہور(اے بی این نیوز)بھارت نے دریائے ستلج میں بھی پانی چھوڑ دیا، پی ڈی ایم اے نے ہائی الرٹ جاری کر دیا ،بھارت نے ہریکے کے مقام سے 95027 کیوسک پانی دریائے ستلج میں چھوڑا ہے،پی ڈی ایم اے نے ڈپٹی کمشنر قصور، اوکاڑہ ، پاکپتن ، بہاولنگر اور وہاڑی کے ڈپٹی کمشنرز کو پیشگی انتظامات مکمل کرنے کی ہدایت،ایمرجنسی کنٹرول روم میں سٹاف کو ہمہ وقت الرٹ رکھا جائےتمام متعلقہ محکمہ جات تازہ ترین صورت حال سے اتھارٹیز کو اگاہ رکھیں۔ریسکیو 1122 کی ڈائزاسٹر رسپانس ٹیم کو ہائی الرٹ رکھا جائے ڈائزاسٹر رسپانس فورس کے لیے مشینری و دیگر آلات کی دستیابی کو یقینی بنایا جائے۔ ریسکیو آپریشن کے لیے پٹرول اور ڈیزل کا اسٹاک وافر مقدار میں اسٹاک ہونا چاہیے،نشیبی علاقوں میں شہریوں کو ممکنہ سیلابی صورتحال سے آگاہ کیا جائے۔ ڈی جی پی ڈی ایم اے عمران قریشی نے کہا کہ فلڈ ریلیف کیمپس میں خوراک، پینے کے صاف پانی و دیگر سہولیات کی فراہمی کو یقینی بنایا جائے۔میڈیکل کیمپس میں ادویات کی دستیابی کو وافر مقدار میں یقینی بنایا جائے۔ جانوروں کے لیے مناسب جگہ اور خوراک کا بندوبست کیا جائے۔ نشیبی علاقوں میں خوراک کے گوادموں کو محفوظ کیا جائے۔شہری دریاؤں اور نہروں کے قریب جانے سے گریز کریں۔
