دبئی (اے بی این نیوز)سابق وزیراعظم نواز شریف کی وطن واپسی کے راستے میں حائل قانونی الجھنوں کو سلجھانے اور پاکستان میں سیاسی مسقبل کے حوالے سے تمام بڑی جماعتوں کی قیادت کے درمیان دبئی میں بڑی بیٹھک، مشورے جاری ہیں،ذرائع کے مطابق وزیراعظم نواز شریف کی ملاقاتوں کا پہلا سیشن اختتام پزیر ہو گیا ،جبکہ دوسرے دور کیلئے سابق صدر وکو چیئرمین پیپلزپارٹی آصف علی زرداری ، بلاول بھٹو زرداری ، جہانگیر ترین ،علیم خان سمیت اہم سیاسی رہنما دبئی پہنچ گئے۔ذرائع کا کہنا ہے کہ پاکستانی سیاست کا مرکز ابھی دبئی رہے گا جس کے لیے کئی سیاسی رہنماؤں کی دبئی آمد کا امکان ہے، دبئی میں اگلے چند دنوں میں نواز شریف سے سیاسی رہنماؤں کی بیٹھکیں متوقع ہیں۔نوازشریف سے ملاقات میں پاکستان میں سیاسی مستقبل کے حوالے سے روڈ میپ طے کئے جائیں گے ۔۔ متحدہ عرب امارات پہنچنے والے مسلم لیگ ن کے قائد نواز شریف کو دبئی حکومت کی جانب سے خصوصی پروٹوکول فراہم کیا جا رہا ہے۔نواز شریف فیملی کے ہمراہ دبئی میں اپنے داماد علی ڈار کی رہائشگاہ ایمریٹس ہلز میں قیام پذیر ہیں، نواز شریف آج رائل فیملی اور بزنس کمیونٹی کیساتھ ملاقاتیں کریں گے، ان ملاقاتوں میں مریم نواز بھی اپنے والد کے ہمراہ ہوں گی۔ نواز شریف دبئی میں قیام کے بعد ابوظبی اور سعودی عرب جائیں گے، نواز شریف سعودی عرب میں تقریباً ایک ہفتہ قیام کے بعد دوبارہ دبئی آئیں گے۔دوسری جانب ذرائع کے مطابق سابق وزیراعظم نواز شریف کی وطن واپسی کے راستے میں حائل قانونی الجھنوں کے سلجھانے کے لیے ماہرین سے مشورے کیے جا رہے ہیں۔
