اسلام آباد( اے بی این نیوز )ناموس رسالتﷺ کا تحفظ ہر مسلمان کا دینی فریضہ ہے،ناموس رسالتﷺ پر کسی قسم کی مصلحت کا تصور نہیں کیا جا سکتا،عشق رسالتﷺ ہر مسلمان کی رگ رگ میں ہے ، ختم نبوت ﷺ پر ایمان نہ رکھنے والا مسلمان نہیں ہو سکتا ان خیا لات کا اظہار وزیر داخلہ رانا ثناء اللہ نے حکومت اور تحریک لبیک پاکستان کی مشترکہ کمیٹی کے اجلاس کی صدارت کرتے ہو ئے کیا
اجلاس میں ناموس رسالت کے تحفظ کیلئے لیے جانے والے اقدامات پر پیش رفت کا جائزہ لیا گیا، معاہدہ کے بقیہ نکات پر بھی پیش رفت کا جائزہ لیا گیا،اجلاس میں وزارت داخلہ، وزارت خارجہ، وزارت انفارمیشن ٹیکنالوجی، ایف آئی اے، پی ٹی اے، پیمرا اور صوبائی محکمہ داخلہ کے نمائندوں کی شرکت،وزیر مملکت برائے داخلہ عبدالرحمن کانجو اور سیکریٹری داخلہ سید علی مرتضیٰ کی بھی اجلاس میں شر یک ہو ئے
تحریک لبیک پاکستان کی جانب سے ڈاکٹر شفیق امینی، مفتی عمیر الازہری اور دیگر ممبران کینے شرکت کی۔
