راولپنڈی(اے بی این نیوز     )ڈی جی پی ایچ اے راولپنڈی احمد حسن رانجھا کی راولپنڈی اور مری شہر کے تمام پارکس کی تزئین و آرائش کو عید سے قبل مکمل کرنے کی ہدایات کر دی، ڈی جی پی ایچ اے نے مزید ہدایات دیں کہ گورنمنٹ فنڈز استعما ل کیے بغیر پی ایچ اے راولپنڈی کی جانب سے تزئین و آرائش کا کام جلد مکمل کر لیا جائے گا۔پارکس اینڈ ہارٹیکلچر اتھارٹی راولپنڈی کی جانب سے شہر کے تمام پارکس کی تزئین و آرائش کا کام جاری ہے، پارکس کی لائٹس، جھولے اور واکنگ ٹریکس کی مرمت کا کام جلد ازجلد مکمل کیا جائے،پارکس کی سکیورٹی کو بھی مزید بہتر بنایا جائے گا، عید الضحیٰ کے موقع پر راولپنڈی اور مری شہر کے تمام پارکوں میں عوام کو بہترین تفریحی اور سیاحتی سہولیات کی فراہمی کو یقینی بنانے کے لیے ہدایات متعلقہ افسران کو جاری کر دی گئی ہیں۔