اسلام آباد(اے بی این نیوز)سربراہ عوامی مسلم لیگ شیخ رشید احمد نے سماجی رابطوں کی ویب سائٹ ٹیوٹر پر اپنے بیان میں کہا کہ یورپ میں بڑی تعداد میں افسردہ لوگ300پاکستانیوں کی شہادت پرسڑکوں پرنکلے،معاشی ناانصافی معاشی قتل کےخلاف احتجاج کیالیکن ہمارےہاں وہی ایک سرکاری پریس ریلیزمرنےوالوں کےنصیب میں تھی جو میڈیا میں چلائی گئی،اعلیٰ تعلیم یافتہ ہنرمندلوگوں کاپاکستان چھوڑنےکایہ عالم ہے کہ ارجنٹ فیس پربھی پاسپورٹ کئی ماہ تک دستیاب نہیں ہوتا،تین ہزارروپے میں20کلو آٹےکا تھیلا ہےنہ بجلی ۔ گیس ، نہ بچوں کی فیس نہ مکان کاکرایہ نہ بزرگوں کی دوائی نہ قبر کےپیسے ہیں، انڈسٹری کارخانےبنداورروزگار نہیں ہے،پریشرککرپھٹنے والا ہےضمیر فروشوں کی جگہ سرفروشوں کی ضروت ہے،یونان میں ڈوبنے والوں کی لاشیں لانےکا فی الفورانتظام کیا جائے،سارےدوست ممالک سیاسی استحکام کامشورہ دے رہےہیں اورہم ہر ہفتے چین سے بھیک مانگ رہے ہیں،نظرثانی اوراپیل میں مقابلےکافیصلہ محفوظ ہے،ساری قوم سپریم کورٹ کے فیصلے کی منتظر ہے،اشرافیہ بھی عوام کےنشانے پر ہے،کھیلنے والےچھاتی کیساتھ تاش لگاکرکھیل رہےہیں،مسئلہ عوام اورپاکستان کی بقاء کا ہے