کراچی (اے بی این نیوز)پاکستان کی بحری قوت میں اضافہ، پاک، چین دوستی، دوطرفہ دفاعی تعاون میں وسعت کی کلیدی مثال، پاک بحریہ کے بیڑے میں مزید دو 054 ایلفاء پی گائیڈڈ میزائل فریگیٹس کی شمولیت آئندہ ماہ متوقع، طغرل کلاس جنگی جہازوں پی این ایس شاہجہان اور ٹیپو سلطان کی شمولیت کی تقریب کراچی میں منعقد ہو گی،پی این ایس شاہجہان کراچی پہنچ چکا، پی این ایس ٹیپو سلطان چند روز میں کراچی پہنچ رہا ہے، دونوں 054 ایلفاء پی گائیڈڈ میزائل فریگیٹس کی شمولیت سے چین سے 4 جہازوں کا حصول مکمل ہو جائے گا، جنگی جہاز 134 میٹر لمبے، 4 ہزار ٹن وزنی، 27 ناٹس رفتار کے حامل کلیدی اضافہ ہیں، میزائلز کے عمودی لانچنگ نظام کے باعث تغرل کلاس جنگی جہاز دشمن کے خلاف انتہائی مہلک ہیں،تغرل کلاس جنگی جہاز سطح سے سطح اور فضاء میں مار کرنے والے تباہ کن میزائلوں سے لیس ہیں، جہاز آبدوز شکن اور لڑاکا انتظامی نظام سے کثیرالجہتی خطرات سے بیکوقت نمٹنے کی صلاحیت رکھتے ہیں،ان صلاحیتوں کے باعث جنگی جہاز اہداف کو سطح، فضاء، زیر آب، زمین پر تباہ کر سکتے ہیں۔پاک بحریہ کے تغرل کلاس 054 ایلفاء پی گائیڈڈ میزائل فریگیٹس جدید ریڈارز، سونار، سینیسرز، ہیلی کاپٹر ہنگر سے لیس ہیں، پی این ایس تغرل اور تیمور قبل ازیں دسمبر 2021ء، جون 2022ء میں پاک بحریہ میں کمیشن ہوئے۔