کابل (اے بی این نیوز) طالبان حکومت کا پاکستان کے ساتھ ٹی ٹی پی ارکان کوشمالی افغانستان بھیجنے پر اتفاق ہوگیا ۔افغان میڈیا نے دعویٰ کیا کہ طالبان اس بات کی یقین دہانی بھی کرائیں گے کہ ٹی ٹی پی پاکستان کیخلاف کارروائیوں میں ملوث نہیں ہوگی۔ طالبان ترجمان ذبیح اللہ مجاہد کا حوالہ دیتے ہوئے افغان خبررساں ایجنسی نے دعویٰ کیا کہ اس وقت پناہ گزین خوست، کنڑ اور افغانستان کے سرحدی علاقوں میں مقیم ہیں۔ ٹی ٹی پی کےجنگجوؤں کو ڈیورنڈ لائن کے ساتھ شمالی افغانستان میں رکھا جائےگا، ڈیورنڈ لائن کے پار سے پناہ گزینوں کو دور دراز صوبوں میں لے جانے کا منصوبہ ہے، ٹی ٹی پی کے ارکان کو شمالی افغانستان میں زمین دیں گے جبکہ پاکستان زرعی آلات اور آبادکاری کے سامان کی خریداری میں مالی معاونت کرے گا۔ ٹی ٹی پی کی رکنیت رکھنے والے پاکستانی باشندے افغانستان میں پناہ گزینوں کے طور پر رہ رہیں گے۔
