اسلام آباد(اے بی این نیوز)حکومت نے پاکستانی عوام پر گیس بم گرادیا، اوگرا نے گیس کمپنیوں کی آمدن میں اضافے کیلئے گیس کی قیمتوں میں پچاس فیصد اضافے کی منظوری دیدی۔ اوگرا نے گیس کی قیمتوں میں اضافے کا نوٹیفکیشن بھی جاری کردیا،نوٹیفکیشن کیمطابق سوئی ناردرن نے گیس کی قیمت میں اوسطا 42فیصد تک اضافے کی منظوری دی جس کے تحت گیس نرخ 415روپے 11پیسے فی ایم ایم بی ٹی یو بڑھ جائیں گے اور ریٹ 1238 روپے 68 پیسے ہوجائے گا۔اس کے علاوہ اوگرا نے سوئی سدرن گیس کمپنی کے صارفین کےلئے نرخ 417روپے فی ایم ایم بی ٹی یو بڑھانے کی منظوری بھی دی جس کے بعد سوئی نادرن کے صارفین کا فی ایم ایم بی ٹی یو ریٹ 1350 روپے 68 پیسے فی یونٹ ہوجائے گا۔