راولپنڈی (نیوز ڈیسک) لاہور ہائی کورٹ نے وکیل کو شاہ محمود قریشی سے ملاقات کی اجازت دیدی۔ آج لاہور ہائیکورٹ کے راولپنڈی بینچ میں پی ٹی آئی کے وائس چیئرمین شاہ محمود قریشی کی نظر بندی کیخلاف درخواست پر سماعت جسٹس چوہدری عبدالعزیز نے کی ،شاہ محمود قریشی کے وکیل بیرسٹر تیمور ملک عدالت میں پیش ہوئے۔دوران سماعت بیرسٹر تیمور و نے عدالت سے استدعا کی کہ شاہ محمود قریشی سے ملاقات کی اجازت دیدی جائے، جسے عدالت نے منظور کرلیااور سپرنٹنڈنٹ اڈیالہ جیل کو شاہ محمود قریشی سے وکیل کو ملاقات کرنے کی اجازت دیدی ۔ سماعت منگل 6 جون تک ملتوی، عدالت نے آئی جی پنجاب، چیف سیکریٹری پنجاب، سی پی او راولپنڈی سمیت ڈپٹی کمشنر راولپنڈی کو نوٹسز جاری کر دیئے ۔
