اسلام آباد ( نیوزڈیسک) سینیٹر علی ظفرنے پی ٹی آئی پر پابندی کے حوالے سے وزیردفاع خواجہ آصف کے بیان پر ردعمل دیتے ہوئے کہا کہ توڑ پھوڑ انفرادی عمل ہے اس کی آڑ میں کسی طرح سیاسی جماعت پر پابندی لگانا جمہوری اقدار کے منافی ہے ۔۔مرکزی رہنما پی ٹی آ ئی سینیٹر علی ظفر ایڈووکیٹ نے کہا ماضی میں بھی جماعت اسلامی کیخلاف ایسی سازش تیار کی گئی تھی ۔اگر تحریک انصاف پر پابندی لگائی گئی تو امید ہے سپریم کورٹ ایک ہی دن میں کالعدم قرار دیدے گی۔سینیٹر بیرسٹر علی ظفرایڈووکیٹ کا کہنا تھا کہ ملک میں قوانین پرکوئی عملدرآمد نہیں ہو رہا، 2 صوبے بغیر اسمبلی کے چل رہے ہیں میری نظر میں آئین کا قتل ہوچکا ہے، عدالتیں ضمانت دیتی ہیں، جیل سے نکلتے ہی دوسرے مقدمے میں گرفتار کرلیا جاتا ہے جو کہ لاقانونیت کی انتہا ہے، اس پرجلد پی ٹی آئی پٹیشن فائل کر رہیہے، عدالت ایکشن لے گی۔سینیٹر علی ظفر کا کہنا تھا کہ اسمبلیاں نہ ہوں تو آئین چل ہی نہیں سکتا، عدالتوں کے احکامات نہ مانیں جائیں گے تو لوگوں کا عدالتوں پر سے اعتماد ختم ہو جائے گا، جب سے پاکستان بنا ہے ہزاروں قوانین ایسے ہیں جن کو عدالتوں نے کالعدم قرار دیا ہے اسے عدالتوں اور پارلیمنٹ کا تصادم نہ سمجھا جائے۔
