اسلام آباد (اے بی این نیوز)سپریم کورٹ نے ارشد شریف از خود نوٹس کیس کی 9 مئی کی سماعت کا تحریری حکمنامہ جاری کردیا ،حکمنامہ کے مطابق اٹارنی جنرل کے مطابق کینیا پولیس نے واقع میں ملوث دو اہلکاروں کے خلاف فرد جرم کا فیصلہ کیا ہے، عدالتی استفسار پر بتایا گیا کہ خرم اور وقار کے ریڈ وارنٹس تاحال جاری نہیں ہوئے،اٹارنی جنرل کے مطابق خرم اور وقار کے ریڈ وارنٹس کیلئے ایف آئی اے پراسس تیز کرے گا، اٹارنی جنرل کے مطابق فیکٹ فائنڈنگ رپورٹ عام ہونے کے بعد کینیا حکام محتاط ہو گئے ہیں،اٹارنی جنرل کے مطابق کینیا حکام نے جے آئی ٹی سے تعاون پر رضامندی ظاہر کردی ہے،
کینیا حکام ایک ہفتے میں تعاون کیلئے متعلقہ افسران کا تعین کرلیں گے، ارشد شریف قتل کیس میں خاطر خواہ پیشرفت نہ ہونے پر تشویش ہے، عدالت کے ریمارکس دیئے کہ اٹارنی جنرل میوچل لیگل اسسٹنس کے عمل کو تیز کروائیں، کیس کی آئندہ سماعت 13 جون کو ہوگی