اسلام آ باد( نیوزڈیسک) وفاقی وزیر ماحولیاتی تبدیلی سینیٹرشیری رحمان نے کہا سماجی رابطوں کی ویب سائٹ ٹوئٹر پر اظہار خیال کرتے ہوئے کہا کہ عمران نیازی کا نام نہاد ’امریکی سازش‘کا بیانیہ زمین بوس ہو چکا، جنہوں نے خط لہرا کر امریکہ پر حکومت گرانے کا الزام لگایا وہ آج امریکی ارکان کانگریس کی منت سماجت کر رہے، عمران خان نے ایک سال تک امریکی سازش کا بیانیہ بنایا اب رکن کانگریس کو اپنے حق میں آواز اٹھانے کی گزارش کررہے۔سماجی را بطے کی ویب سائٹ ٹو ئٹر پر اپنے بیان میں سینیٹر شیری رحمان نے کہا ہے کہ عمران نیاز نے اس وقت بھی اپنی سیاست کی خاطر ملکی خارخی مفادات کے خلاف سازش کی تھی، اب پھر سازشیں گھڑ رہے کہ ان کے حق میں بیرونی ممالک پاکستان کے اندرونی معاملات میں مداخلت کریں، کیا عالمی دنیا عدالتی سہولت کاری، رلیف اور 9 مئی کے شرمناک واقعات سے غیر واقف ہے؟۔وفاقی وزیر نے سوال کرتے ہو ئے کہا کہ جب عمران خان کی فسطائی حکومت نے ہماری قیادت کے خلاف جھوٹے کیس چلائے اور ان کو جیل بھیجا، تو کیا ہم نے بیرونی دنیا سے ملکی معاملات میں مداخلت کی درخواستیں کی تھی؟ عمران خان نے احتساب کی نام پر سیاست کی ہے، اب خود احتساب اور جوابدہی سے بچنے کے کیلئے عالمی دنیا کی طرف دیکھ رہے۔
