کراچی (نیوزڈیسک) کراچی میئر کیلئےپی ٹی آئی نے جماعت اسلامی کے امیدوار حافظ نعیم الرحمٰن کی حمایت کا فیصلہ کرلیا۔ ترجمان پی ٹی آئی کے مطابق کراچی میئر کے انتخاب کیلئے تحریک انصاف جماعت اسلامی کے امیدوار کی حمایت کیلئے تیار ہے ۔ جبکہ پیپلزپارٹی کی قیادت میئر کراچی کیلئے انتخابی عمل میں پری پول رگنگ کررہی ہے جو کسی صورت قابل قبول نہیں۔پیپلز پارٹی قیادت نو منتخب بلدیاتی نمائندگان کو پولیس کے ذریعے اغوا کر وا کر غائب کررہی ہے ۔پیپلز پارٹی4 بار بلدیاتی الیکشن میں پیچھے رہی، عجلت میں میئر کا انتخاب کرانا چاہتی ہے، بلدیاتی نمائندگان کی حلف برداری سے پہلے ان کو اغوا کیا جا رہا ہے۔ان کا کہنا ہے کہ پی ٹی آئی اس معاملے پر عدالت سے بھی رجوع کر چکی ہے، میئر کا انتخاب شفاف طریقہ کار سے ہونا چاہیے۔ترجمان کا کہنا ہے کہ پیپلز پارٹی اور ایم کیو ایم نہیں چاہتی کے عوامی مینڈیٹ قبول کیا جائے۔
