راولپنڈی(نیوزڈیسک) سی ٹی ڈی کے پنجاب بھر میں انٹیلی جنس بیسڈ آپریشن جاری ، مختلف علاقوں سے4 دہشتگردوں کو گرفتار کرلیاگیا۔رواں ہفتے 248 کومبنگ آپریشنز کے دوران 51 مشتبہ افراد گرفتار کیے گئے جبکہ 11 ہزار سے زائد افراد سے پُوچھ گَچھ کی گئی۔ سی ٹی ڈی کی سرگودھا، راولپنڈی اور گوجرنوالہ میں کامیاب کارروائیاں، گرفتاردہشتگردوں کا تعلق کالعدم داعش اور ٹی ٹی پی سے ہے ، گرفتار دہشتگردوں سے بارودی مواد ، خودکش جیکٹ بنانے کا سامان بھی برآمد کرلیا۔۔دہشتگردوں کی شناخت سلمان، شیر زمان، ملک اسرار اور شیر خان کے نام سے ہوئی۔ دہشتگردوں کے خلاف مقدمات درج کرکے تفتیش شروع کردی۔