اسلام آباد(نیوزڈیسک)جمعیت علماء اسلام نے سپریم کورٹ کے باہر پاکستان ڈیموکریٹک موؤمنٹ کے تحت مجوزہ دھرنا چیف جسٹس کے استعفے تک جاری رکھنے کا اعلان کردیا۔صدر پاکستان ڈیموکریٹک موؤمنٹ مولانا فضل الرحمان کے ترجمان نے کہا کہ دھرنےمیں ایک لاکھ سےزائدکارکنان شرکت کریں گے، تمام صوبوں سے ہزاروں کارکنوں کے قافلےاسلام آباد لانے کی تیاری مکمل کرلی گئی۔ترجمان نے کہاکہ پنجاب بھر کے قافلے ڈاکٹرعتیق الرحمان کی قیادت میں اسلام آبادآئیں گے، بلوچستان کےقافلے کی قیادت عبدالغفورحیدری اور مولاناعبدالواسع کریں گے۔سندھ سے قافلے راشد محمود سومروکی قیادت میں اسلام آباد پہنچیں گے، خیبرپختونخوا کے جنوبی اضلاع کے قافلے کی قیادت اکرم خان درانی کریں گے۔ پشاور سے آنے والے قافلے کی قیادت مولاناعطاالرحمان کریں گے، بیان کے مطابق دھرنے میں شرکت کےلیے خیبرپختونخوا کے جنوبی اضلاع اور پنجاب سے کارکنان پیر کوروانہ ہوں گے جبکہ کراچی سے جے یوآئی کے کارکنوں کے قافلے کل روانہ ہوں گے۔