اسلام آباد(نیوزڈیسک)وزیراعظم شہباز شریف نے پنجاب سے خیبرپختونخوا کو آٹے کی فراہمی بڑھانے کی ہدایت دیتے ہوئے کہاہے کہ گندم کی فصل کا فائدہ کسانوں تک پہنچانے کےلیے عملی اقدامات کرنا ہوں گے،وزیراعظم کی زیر صدرات پنجاب اور خیبر پختونخوا میں گندم کی خریداری سے متعلق اجلاس ہوا۔شہباز شریف نے گندم کی بھرپور فصل ہونے پر اطمینان کا اظہار کیا۔ انہوں نے کہا کہ گندم کی فصل کا فائدہ کسانوں تک پہنچانے کےلیے عملی اقدامات کرنا ہوں گے۔وزیراعظم نے خیبر پختونخوا میں گندم اور آٹے کی قیمتوں میں اضافے کا سخت نوٹس لیتے ہوئے قیمت کنٹرول کرنے کے لیے اقدامات کی ہدایت دی۔
