اسلام آباد (نیوز ڈیسک) سپریم کورٹ میں پی ٹی آئی چیئرمین عمران خان کی گرفتاری کیخلاف مزید ایک درخواست دائر کر دی گئی۔ تفصیلات کے مطابق درخواست ایڈووکیٹ محبوب اسلم گجر کی جانب سے پی ٹی آئی چیئرمین عمران خان کی گرفتاری کیخلاف سپریم کورٹ میں دائر کی گئی ہے کہ جس میں مؤقف اختیار کیا گیا کہ چیئرمین پی ٹی آئی کی حفاظت کو یقینی بنایا جائے ، ان کو گرفتار کرنے کیلئے اختیارات کا ناجائز استعمال کیا گیا ، یہ گرفتاری سیاسی انتقام ہے ،عمران خان کی رہا کر کے گرفتاری کی تحقیقات کرانے کا حکم دینے کی استدعا کی گئی ہے۔ درخواست میں مرکزی حکومت، قومی احتساب بیورو (نیب) اور وزارت دفاع کو فریق بنایا گیا ہے۔
