لاہور(نیوزڈیسک) پنجاب حکومت نے صوبہ بھر میں کشیدہ صورتحال کے باعث کالجز اور یونیورسٹیز اگلے دو روز مزید بند رکھنے کا فیصلہ کیا ہے۔ وزیراعلیٰ پنجاب محسن نقوی کی زیر صدارت صوبائی کابینہ کا اجلاس ہوا، جس میں اہم فیصلے کئے گئے۔ تحریک انصاف کے چیئرمین عمران خان کی گرفتاری کے بعد پرتشدد مظاہروں کو کنٹرول کرنے کیلئے میانوالی سمیت صوبہ بھر میں فوج کی تعیناتی کا فیصلہ کیا گیا ۔صوبائی کابینہ نے پنجاب بھر کے کالجز اور یونیورسٹیز اگلے 2 روز بند رکھنے کا فیصلہ کیا ۔نگراں وزیراعلیٰ پنجاب کی زیر صدارت فیصلہ کیا گیا کہ شر پسندوں کے خلاف انسداد دہشت گردی ایکٹ کے تحت مقدمے درج ہوں گے،وزیراعلیٰ پنجاب محسن نقوی نے کہا کہ وعدہ ہے کہ ریاست پاکستان پر حملہ آور ہر شر پسند کو کیفر کردار تک پہنچائیں گے۔
https://youtu.be/olE9K5lx9-w
