اسلام آباد(نیوزڈیسک)برٹش کونسل نے پاکستان میں جاری صورتحال کے پیش نظر کل (جمعرات 11 مئی )کو ہونے والے او اور اے لیول کے امتحانات بھی منسوخ کردئیے،برٹش کو نسل کے اکاؤنٹس ریلشن شپ منیجر سندھ و بلوچستان خرم شاہ نے بتایاکہ جمعرات 11 مئی کو صبح اور شام والے امتحانات منسوخ کردیے گئے ،کیمبرج انٹرنیشنل اسسمنٹ کے ترجمان ارسلان صدیقی نے بتایاکہ منسوخ شدہ پرچے دوبارہ نہیں ہوتے کیونکہ یہ پوری دنیا میں ہوتے ہیں جبکہ ایک امتحانی پرچے کے دو حصے ہوتے ہیں، دئیے گئے دوسرے پرچے اور دیگر کارکردگی کی بنیاد پر نمبر ایڈجسٹ کردئیے جاتے ہیں، پاکستان میں کیمبرج اسٹنٹ کی سربراہ عظمیٰ یوسف نے کہا کہ ہماری ترجیح طلبہ اور اساتذہ کی سیکیورٹی ہے لہٰذا کل دن اور شام میں ہونے والے پرچے پورے پاکستان میں نہیں ہوں گے۔
