لاہور(نیوز ڈیسک) پاکستان تحریک انصاف کے چیئرمین عمران خان کی حاضری معافی منظور،ضمانت میں 16 مئی تک توسیع کردی۔تفصیلات کے مطابق اے ٹی سی نے چیئرمین پی ٹی آئی عمران خان کی ایک روزہ حاضری معافی کی درخواست منظور کرتے ہوئے دو مقدمات میں عبوری ضمانت منظور کرلی ۔ آج ہونے والی سماعت میں وکلا نے عمران خان کی حاضری معافی کی درخواست دائر کی تھی درخواست میں کہا گیا کہ عمران خان نے 9 مقدمات سے متعلق سماعت میں اسلام آباد ہائیکورٹ پیش ہونا ہے، اس لیے ایک روزہ حاضری معافی کی درخواست منظور کی جائے جس کے بعد عدالت نے اے ٹی سی میں جاری 2 مقدمات میں عبوری ضمانت میں 16 مئی تک توسیع کر دی۔