کراچی(نیوزڈیسک)کراچی کی آبادی میں 1 دن میں 1 لاکھ سے زائد افراد کا اضافہ سامنے آیا ہے،ڈائریکٹر ادارہ شماریات سندھ منور گھانگرو نے بتایاکہ کراچی کی اب تک کی آبادی 1 کروڑ 80 لاکھ افراد سے زائد ہو گئی ہے، اس سے قبل کراچی کی آبادی 1 کروڑ 79 لاکھ 65 ہزار ریکارڈ کی گئی تھی۔ان کا کہنا تھا کہ نئے اضافے کے بعد کراچی میں ضلع وسطی آبادی کے لحاظ سے سب سے بڑا ضلع بن گیا جہاں کی آبادی 34 لاکھ 42 ہزار 48 افراد تک پہنچ گئی۔انہوںنے بتایا کہ کراچی میں ضلع جنوبی آبادی کے لحاظ سے سب سے چھوٹا ضلع ہے، جہاں کی آبادی 18 لاکھ 24 ہزار 67ہے۔انہوں نے کہاکہ ضلع ملیر کی آبادی 22 لاکھ 17 ہزار 37 تک پہنچ گئی، ضلع کورنگی کی آبادی 29 لاکھ 28 ہزار 856 ہو گئی ۔انہوںنے بتایا کہ ضلع کیماڑی کی آبادی 21 لاکھ 80 ہزار 243 افراد پر مشتمل ہے، ضلع شرقی کی آبادی 31 لاکھ 71 ہزار 284 ہے۔ منور گھانگرو نے بتایا کہ ضلع غربی کی آبادی 22 لاکھ 75 ہزار 966 تک پہنچ گئی ۔

https://youtu.be/6wJ7uWIYveE