اسلام آباد(نیوزڈیسک)سپریم کورٹ آف پاکستان نے پنجاب میں 14 مئی کو الیکشن کرانے کا حکم دے رکھا ہے جس کےخلاف الیکشن کمیشن نے سپریم کورٹ میں آج پنجاب اور خیبرپختونخوا میں الیکشن کے حوالے سے عدالتی فیصلے پر نظرثانی کیلئے درخواست دائر کردی ۔ الیکشن کمیشن نے درخواست میں عدالت سے استدعا کرتے ہوئے موقف اختیار کیا ہے کہ الیکشن کی تاریخ دینے کا اختیار عدلیہ کو نہیں ، آئین پاکستان نے اداروں کے اختیارات کو بالکل واضح کررکھا ہے تاہم سپریم کورٹ نے پنجاب میں الیکشن کی تاریخ دے کر ضابطہ اخلاق اور طے شدہ قانون کو بدل دیا ہے ۔ عدالت الیکشن کمیشن کے موقف پر غور کرتے ہوئے پنجاب میں الیکشن کے حوالے سے دی گئی تاریخ کی غلطی کو درست کرکے الیکشن کمیشن کے اختیارات کو واپس تفویض کرے ۔