لاہور(نیوزڈیسک)لاہور کے چلڈرن اسپتال کے نرسنگ ہاسٹل سے نرس کی لاش ملی ہے۔تفصیلات کے مطابق رخسانہ نامی نرس نرسنگ ہاسٹل میں مردہ حالت میں پائی گئی، متوفیہ نرس کارڈیک سرجری وارڈ میں کام کرتی تھی۔ رخسانہ کے والد کا ایک ماہ قبل انتقال ہوگیا تھا، جس کے بعد سے رخسانہ نرسنگ ہاسٹل کے سنگل روم میں رہائش پذیر تھی۔ذرائع نے مزید بتایا کہ رخسانہ کی والدہ کی بھی طبعیت ناساز رہتی ہے، گھریلو مسائل کی وجہ سے رخسانہ ذہنی دباؤ کا شکار تھی۔نرس کی لاش کی اطلاع پر پولیس ٹیم تحقیقات کیلئے چلڈرن اسپتال پہنچی اور واقعہ سے متعلق معلومات حاصل کیں۔
