لاہور(نیوز ڈیسک) سابق وزیراعظم عمران خان کیخلاف 121 مقدمات اندراج کیخلاف دائر درخواست سماعت کیلئے مقرر ۔ جسٹس لاہورہائیکورت جسٹس علی باقر نجفی کی سربراہی میں5 رکنی لارجر بینچ درخواست پر 2 مئی کو سماعت کرے گا۔ جسٹس عالیہ نیلم، جسٹس طارق سلیم شیخ ، جسٹس انوار الحق اور جسٹس امجد رفیق لارجر بینچ میں شامل ہیں ۔سابق وزیراعظم عمران خان نے 121مقدمات کو خارج کروانے کیلئے لاہور ہائیکورٹ سے رجوع کررکھا ہے، دائر درخواست میں سیکرٹری داخلہ، دفاع، سیکرٹری کیبنٹ ڈویژن،وزارت قانون، چیف سیکرٹری، آئی جی پنجاب، اینٹی کرپشن، نیب، وزیر اعظم، پیمرا اور الیکشن کمیشن کو فریق بنایا گیا۔عدالت میں دائر درخواست میں موقف اپنایا گیا کہ ملک میں مجھ پر 121 ایف آئی آر درج کی گئیں، مقدمات کوئٹہ، کراچی، اسلام آباد اور لاہور میں درج کئےگئے ہیں، نگران صوبائی حکومت کی جانب سے انتقامی کارروائیاں کی گئی ہیں۔