لاہور(نیوزڈیسک)کارسوارسرکاری افسرکو تشدد کا نشانہ بنانے کے الزام میں پنجاب پولیس کے ترجمان کو بیٹے سمیت گرفتار کرلیا گیا۔پنجاب پولیس کے ترجمان نایاب حیدرکوگرفتارکرلیاگیا،نایاب حیدرکو تھانہ جنوبی چھاونی پولیس نے گرفتارکیا، نایاب حیدر کو بیٹے اور دیگردو افراد کے ساتھ گرفتار کیا گیا،ترجمان پولیس کے مطا بق کیولری گراونڈ کے قریب کارسوار سرکاری افسرپربہیمانہ تشدد کے الزام میں گرفتار کیا گیا۔پولیس نے واقعے کا مقدمہ درج کرکے تحقیقات شروع کردیں۔مقدمہ سرکاری افسرکی مدعیت میں مختلف سنگین دفعات کے تحت درج کیا گیا ہے ،واقعے میں ملوث باقی ملزمان کی گرفتاری کے لیے چھاپے مارے جارہے ہیں۔نایاب حیدر کے خلاف مقدمہ حساس ادارے کے افسر کی مدعیت میں تھانہ جنوبی چھاونی میں درج ہے۔
