کراچی(نیوز ڈیسک) سندھ کی وزیرِ صحت ڈاکٹر عذرا فضل پیچوہو نے کہا ہے کہ صوبے میں منکی پوکس کا کوئی کیس رپورٹ نہیں ہوا ہے، کراچی ایئر پورٹ پر مسافر میں منکی پوکس کی علامات سے متعلق کوئی صداقت نہیں۔تفصیلات کے مطابق ڈاکٹر عذرا فضل پیچوہو نے اپنے بیان میں کہا ہے کہ ایئر پورٹ انتظامیہ کو تصدیق کے بغیر کسی قسم کی اطلاع جاری کرنے کا اختیار نہیں،محکمہ صحت تمام صورتحال کو از خود مانیٹر کر رہا ہے، جناح اسپتال اور چانڈکا میڈیکل اسپتال میں آئسولیشن وارڈ قائم کیے جا چکے ہیں۔صوبائی وزیرِ صحت کے مطابق کراچی میں 20 بستروں پر مشتمل آئسولیشن وارڈ تشکیل دیا گیا ہے۔