اسلام آباد (نیوز ڈیسک) چیئرمین پی ٹی آئی عمران خان کیخلاف اسلام آباد میں 29 مقدمات درج ہیں ، اسلام آباد ہائیکورٹ رپورٹ پیش کردی گئی ۔آج چیف جسٹس اسلام آباد ہائیکورٹ جسٹس عامرفاروق نے عمران خان کی گرفتاری کیخلاف درخواست پر سماعت کی۔سرکاری وکیل نے بتایاکہ عمران خان کےخلاف اسلام آباد میں درج مقدمات کی تعداد 29ہے ،عدالت کے حکم پر کیسز کی تفصیل عمران خان کو فراہم کردی گئی ہے، عدالت نےسابق وزیراعظم کو متعلقہ فورم سےرجوع کی ہدایت کرتے ہوئے مقدمات کی تفصیلات فراہمی اور گرفتاری سے روکنے سے متعلق درخواست نمٹا دی۔سرکاری وکیل نے بتایا کہ عمران خان نے تفصیلات کی فراہمی کے لئے ابھی تک قانون کے مطابق رابطہ نہیں کیا، عمران خان کو انفارمیشن ایکٹ 2017 کے تحت متعلقہ اداروں سے رجوع کرنا چاہیئے تھا۔