اسلام آباد(نیوز ڈیسک) ترجمان دفترخارجہ ممتاز زہرہ بلوچ نے کہا کہ پاکستان نے شنگھائی تعاون تنظیم (ایس سی او ) کے وزرائے دفاع کے اجلاس میں آن لائن شرکت کا فیصلہ کیا ہے۔ آج ترجمان دفترخارجہ ممتاز زہرہ بلوچ نے کہا کہ شنگھائی تعاون تنظیم کے وزرائے دفاع کا اجلاس 27 اور 28 کو بھارتی شہر نئی دہلی میں ہوگا ، اس اجلاس میں پاکستان ورچوئل شرکت کرے گا ،پاکستانی وفد کی نمائندگی وزیردفاع خواجہ آصف ورچوئلی کریں گے۔واضح رہے کہ بھارت شنگھائی تعاون تنظیم کا موجودہ صدر ہونے کی حیثیت سے اس سال علاقائی فورم کے کئی ایونٹس کی میزبانی کرے گا ۔