اسلام آباد (نیوز ڈیسک) ملک بھر میں چینی کی پرچون قیمت 98 روپے 82 پیسے مقرر کی گئی ،لیکن شہری اب 130 روپے فی کلو خریدنے پر مجبور۔ تفصیلات کے مطابق شوگر ایڈوائزری بورڈ کی سفارش پر وزارت خوراک و زراعت نے چینی کی قیمت مقرر کی گئی ہے جس کے بعد ملک بھر میں چینی کی پرچون قیمت 98 روپے 82 پیسے کر دی گئی ہے جس کا نوٹیفکیشن جاری کر دیا گیا،جاری کردہ نوٹیفکیشن کے مطابق چینی کی قیمت میں 14روپے 58 پیسے سیلز ٹیکس شامل ہو گا، جبکہ ٹرانسپورٹ لاگت 2 روپے فی کلو، پرچون فروش کا 1 روپے کلو منافع بھی مجموعی لاگت میں شامل ہو گا۔ واضح رہے کہ چینی کی قیمت مقرر نہ ہونے کے باعث مارکیٹ میں چینی30 فیصد مہنگی ہوئی تھی لیکن چینی سستی ہونے کے کا عوام کو ئی فائدہ نہ ہوا ، آج بھی چینی 130 روپے فی کلو خریدنے پر مجبور۔