اسلام آباد (  اے بی این نیوز  )مردم شماری کی حتمی تاریخ میں چوتھی بار توسیع کر دی گئی، 5 دن مزید توسیع کے بعد آخری تاریخ 30 اپریل کردی گئی ہے۔ادارہ شماریات کا کہنا ہے کہ بعض بڑے شہروں میں آبادی میں کمی یا کم اضافہ دیکھا گیا ہے۔کراچی وسطی، جنوبی، غربی، شرقی، ملیر، کیماڑی اور کورنگی میں آبادی میں کمی دیکھی گئی۔پشاور، ڈی آئی خان، ایبٹ آباد اور ٹانک میں ڈیٹا کی تصدیق کے باعث تاریخ میں توسیع کی جا رہی ہے۔گوجرانوالہ، سیالکوٹ، جہلم، گجرات، اٹک، پشاور میں ڈیٹا کی تصدیق کا عمل جاری ہے۔لاہور، راولپنڈی، اسلام آباد، حیدرآباد، کوئٹہ میں بھی آبادی میں کمی یا کم اضافہ دیکھا گیا۔ادارہ شماریات کے مطابق بعض اضلاع میں گروتھ ریٹ اور ڈیٹا کی تصدیق کے باعث توسیع کی جا رہی ہے۔