اسلام آباد(اے بی این نیوز    ) اسلام آباد ہائیکورٹ میں توشہ خانہ ریفرنس میں نااہلی سے متعلق کیس میں پاکستان تحریک انصاف کے چیئرمین و سابق وزیراعظم عمران خان کی پٹیشن واپس لینے کی متفرق درخواست پر حتمی دلائل کیلئے سماعت 5 مئی کیلئے مقرر کرلی گئی ۔دورانِ سماعت عدالت نے استفسار کیا کہ جب ایک فورم سے رجوع کر لیا تو کیا زیرِ التواء ہوتے ہوئے دوسرے فورم سے رجوع کیا جا سکتا ہے؟ کیا ایسی صورت میں ایک فورم سے درخواست واپس لے کر دوسری کی پیروی کر سکتے ہیں؟اسلام آباد ہائیکورٹ میں عمران خان کی الیکشن کمیشن نااہلی فیصلے کیخلاف پٹیشن واپس لینے کی متفرق درخواست پر سماعت ہوئی، عدالت عالیہ نے حتمی دلائل کے لئے 5 مئی کی تاریخ مقرر کردی۔دوسری جانب عدالت نے میانوالی میں ضمنی الیکشن روکنے کے حکم امتناع میں توسیع کرتے ہوئے کیس کی مزید سماعت 5 مئی تک ملتوی کردی۔