پشاور(نیوز ڈیسک) خیبرپختونخوا انتخابات کیس،الیکشن کمیشن نے مزید وقت مانگ لیا۔تفصیلات کے مطابق پشاور ہائیکورٹ میں جسٹس ابراہیم خان اور جسٹس عبدالشکور نے پی ٹی آئی کی جانب سے خیبرپختونخوا میں انتخابات دائر درخواست پر سماعت کی،پی ٹی آئی کی طرف سے اسپیکر خیبرپختونخوا اسمبلی مشتاق غنی پشاور ہائیکورٹ میں پیش ہوئے ۔وکیل بیرسٹر گوہر خان نے عدالت کو بتایا کہ 18 اپریل کو نگراں حکومت کی مدت ختم ہوگئی ہے، مدت ختم ہونے کے باوجود الیکشن کی تاریخ نہیں دی گئی۔بیرسٹر گوہر خان نے عدالت سے استدعا کی کہ الیکشن کا معاملہ ہے، جلد تاریخ دی جائے جس پر ایڈووکیٹ جنرل نے کہا کہ تاریخ الیکشن کی گورنر اور الیکشن کمیشن نے دینی ہے جبکہ الیکشن کمیشن نے جواب کے لیے وقت مانگ لیا ہے ، دلائل سننے کے بعد عدالت نے سماعت 4 تک ملتوی کردی ۔
