اسلام آباد(نیوزڈیسک)وزیر مملکت پیٹرولیم مصدق ملک نے کہا ہے کہ جو قانون ابھی آیا ہی نہیں اس کا فیصلہ عدلیہ نے کیا، فیصلے سے لگتا ہے کہ ایک نئی ڈاکٹرائن آف نسیسٹی آئی ہے۔نجی ٹی وی سے بات چیت کرتے ہوئے مصدق ملک نے کہا کہ عدلیہ کو آئین سازی کرنی ہے تو پارلیمان میں آجانا چاہیے۔وزیر مملکت نے مزید کہا کہ آئین میں یہ واضح نہیں کہ تمام اسمبلیوں کے الیکشن ایک ہی دن ہوں گے۔مصدق ملک نے کہا کہ عدلیہ کے چار ججز نے کہا انتخابات سے متعلق سوموٹو نہیں لیا جاسکتا تھا، دو ججز نے تو لکھ کر دیا یہ چار تین کا فیصلہ ہے۔