اسلام آباد(اے بی این نیوز )وفاقی وزیر برائے قانون وانصاف سینیٹر اعظم نذیر تارڑ سےڈسٹرکٹ بار ایسوسی ایشن ننکانہ صاحب کے وکلاء نے ملاقات کی۔منگل کو وزارت قانون و انصاف سے جاری بیان کے مطابق وفدمیں چوہدری فیصل سدھو (صدر ننکانہ بار ایسوسی ایشن)، رائے رضوان علی کھرل (جنرل سیکرٹری ننکانہ بار ایسوسی ایشن)، رائے عابد حسین کھرل (سابق صدر ننکانہ بار ایسوسی ایشن)، حافظ غلام شبیر (سابق صدر ننکانہ بار ایسوسی ایشن)، مظہر عمران چوہدری (سابق صدر ننکانہ بار ایسوسی ایشن)۔ ننکانہ بار ایسوسی ایشن، رائے معمر قزافی، علی عمران اعوان اور ملک اجمل وسیر شامل تھے۔ وزیر قانون و انصاف اور ننکانہ بار ایسوسی ایشن کے ممبران کے درمیان باہمی دلچسپی کے امور اور گرانٹ ان ایڈ کے امور پر تبادلہ خیال کیا گیا۔ ننکانہ بار ایسوسی ایشن کے اراکین نے بار روم کی تزئین و آرائش کے لیے تعاون کی درخواست کی۔ وزیر قانون و انصاف سینیٹر اعظم نذیر تارڑ نے انہیں یقین دلایا کہ اس معاملے پر ضروری تعاون اور ہم آہنگی کے لئے صوبائی حکومت سے بات کی جائے گی۔
