اسلام آباد (نیوز ڈیسک) پٹرولیم مصنوعات کی قیمتوں سے متعلق اوگرا نے حتمی سمری حکومت کو بھجوا دی ۔ذرائع کے مطابق عالمی منڈی میں خام تیل کی قیمتوں میں مسلسل کمی کے رحجان کے باعث ، پٹرولیم قیمتوں میں 10 سے 15 روپے فی لیٹر تک کمی کی جا سکتی ہے۔اوگرا کی جانب سے پٹرول کی قیمت میں 10 سے 12 روپے فی لیٹر جبکہ ڈیزل کی قیمت میں 10 سے 15 روپے فی لیٹر تک کمی کی تجویز دی گئی جبکہ لائٹ ڈیزل آئل کی قیمت میں 15 روپے فی لیٹر تک کمی کی سفارش کی گئی۔وگرا نے دوسری تجویز دیتے ہوئے کہا کہ بجٹ خسارہ پورا کرنے کیلئے پٹرولیم مصنوعات کی قیمتیں برقرار بھی رکھی جا سکتی ہیں۔اوگرا پٹرولیم مصنوعات کی قیمتوں سے متعلق حتمی سمری آج بھجوائے گا، پٹرول پر فی لٹر او سی اے مارجن بھی بڑھایا جا سکتا ہے، فریٹ مارجن کے متعلق او سی اے کی جانب سے خط بھی لکھا گیا ہے۔ذرائع کے مطابق پٹرولیم مصنوعات کی قیمتوں سے متعلق فیصلہ آج ہوگا، پٹرولیم مصنوعات کی نئی قیمتوں کا اطلاق یکم اپریل سے ہوگا۔یاد رہے کہ عالمی مارکیٹ میں گزشتہ 15 روز میں خام تیل کی قیمت 70 ڈالر فی بیرل تک رہی۔
