لاہور(نیوز ڈیسک) لاہور ہائی کورٹ نے انگریزوں کی نشانی بغاوت کا قانون، شق 124 اے کو آئین سے متصادم قرار دیدیا۔تفصیلات کے مطابق جسٹس شاہد کریم نے سیکشن 124 اے کے خلاف ابوذر سلمان ایڈووکیٹ کی درخواستوں پر محفوظ فیصلہ سناتے ہوئےغداری کے قانون کی شق 124 اے کو آئین سے متصادم قرار دے دیا۔ واضح رہے کہ درخواست گزار نے موقف اختیار کیا تھا کہ بغاوت کا قانون 1860ء میں بنایا گیا جو غلاموں کے لیے استعمال کیاجاتا تھا، کسی کے کہنے پر بھی مقدمہ درج کرلیا جاتا ہے اب سیکشن 124 اے کو سیاسی مقاصد کے لیے استعمال کیا جارہا ہے جب کہ آئین پاکستان ہر شہری کو آزادی اظہار رائے کا حق دیتا ہے۔عدالت نے محفوظ فیصلہ سناتے ہوئے غداری کے قانون کی شق 124 اے کو آئین سے متصادم قرار دیدیا۔