اسلام آباد(نیوزڈیسک) سینئر وکیل ومرکزی رہنما پیپلزپارٹی لطیف کھوسہ نے پارلیمنٹ میں عدالتی اصلاحات کے حوالے سے گفتگو کرتے ہوئے کہا کہ سپریم کورٹ کے حوالے سے ہونے والی پارلیمنٹ میں قانون سازی عدلیہ پر قدغن کے مترادف ہے، اس بل کی ٹائمنگ ٹھیک نہیں ۔لطیف کھوسہ کا سپریم کورٹ کے باہر میڈیا سے گفتگو کرتے ہوئے کہنا تھا کہ از خود نوٹس کے خلاف اپیل کا حق دینےکیلئے آرٹیکل184/3 میں ترمیم کرنا ہوگی، نظرثانی میں وکیل کا حق دینے کے لیے بھی آئینی ترمیم ضروری ہے، قانون سازی کرکے ایسی ترامیم نہیں کی جاسکتیں۔لطیف کھوسہ کا کہنا تھا کہ بل کی ٹائمنگ ٹھیک نہیں ہے، جو قانون سازی کی جارہی ہے یہ عدلیہ پرقدغن لگانے کے مترادف ہے، جو ارکان بینچ کا حصہ نہیں تھے ان کی رائے فیصلے میں کیسے شامل ہوسکتی ہے۔رہنما پیپلز پارٹی کا کہنا تھا کہ مریم نواز اور ن لیگ نے ہمیشہ عدلیہ پرحملہ کیا ہے، پہلے مٹھائیاں بانٹتے ہیں پھر سمجھ آتی ہے کہ فیصلہ خلاف آیا ہے۔