اسلام آباد(نیوز ڈیسک) جوڈیشل کمپلیکس ہنگامہ آرائی کیس میں انسداد دہشتگردی عدالت اسلام آباد نے اعظم سواتی کی ضمانت قبل از گرفتاری منظور کرلی۔تفصیلات کے مطابق پی ٹی آئی رہنما اعظم سواتی کی جانب سے ضمانت قبل از گرفتاری کی درخواست دائر کی گئی جس پر اعظم سواتی اپنے وکیل بابر اعوان کے ہمراہ عدالت میں پیش ہوئے۔بابر اعوان نے کہا کہ اعظم سواتی کو ایف آئی آر میں سیاسی بنیادوں پر نامزد کیا گیا اور مقدمے سوچے سمجھے منصوبے کہ تحت درج کیے گئے، دہشت گردی کی دفعہ لگانے کا کوئی جواز نہیں بنتا ،اعظم سواتی جائے وقوعہ پر موجود بھی نہیں تھے اس لیے ضمانت منظور کی جائے۔عدالت نے اعظم سواتی کی 50 ہزار روپے کے ضمانتی مچلکوں کے عوض 5 اپریل تک ضمانت منظور کرتے ہوئے کیس کی سماعت ملتوی کر دی۔