راولپنڈی(نیوز ڈیسک) عوامی مسلم لیگ کے سربراہ اور سابق وزیر داخلہ شیخ رشید احمد نے کہا ہے کہ الیکشن ہوں گے یا جوڈو کراٹے ، ملک کی بقاء انتخابات میں ہے آج مشترکہ اجلاس میں حکومت اپنے سے بڑی قرارداد لائے گی ،معاشی مشکلات میں خوفناک اضافہ ہوگیا ہےآئی ایم ایف اور غیر ملکی امداد دونوں دور ہیں۔ آج سماجی رابطے کی سائٹ ٹویٹر پر اپنے ایک بیان میں عوامی مسلم لیگ کے سربراہ اور سابق وزیر داخلہ شیخ رشید احمد نے کہا کہ حکومت مزید اضطراب تشویش میں مبتلا ہو جائے گی کیوں کہ وہ عوام میں جانےکے قابل نہیں رہی،ساری منصوبہ بندی عمران خان کو دیوار سے لگانے کے لیے ہور ہی ہے لیکن یہ دیوار پی ڈی ایم پر ہی گرے گی عمران خان اور اسکی پارٹی کو نا اہل یا کالعدم قرار دینا آسان نہیں ہوگا۔
پچیس مارچ ہفتےکی رات تراویح کے بعد لاہور میں مینار پاکستان پر جلسہ ہوگا آخری فیصلہ سپریم کورٹ کے پاس ہے،الیکشن ہوں گے یا جوڈو کراٹے ہوں گے ملک کی بقاءالیکشن میں ہے،پاکستان پہلے ہی تنہاا ہو چکا ہے روپے کی قدرکم ترین سطح پرآ گئی ہے۔
