اسلام آباد (اے بی این نیوز )وفاقی شرعی عدالت کے ازخودنوٹس پر بلوچستان میں کم عمری کی شادی کو روکنے کے لیے مسودہ تیار ،کم عمری کی شادی سے متعلق ازخودنوٹس کی سماعت چیف جسٹس شرعی عدالت سید محمد انور اور جسٹس خادم حسین پر مشتمل بینچ نے کی،سماعت کے دوران چاروں صوبائی ایڈووکیٹ جنرلز عدالت میں پیش،وکیل بلوچستان حکومت نے کہا کہ بلوچستان حکومت نے بلوچستان امتناع کم سنی کی شادی ایکٹ تیار کر لیا ہے، بل کا مقصد صوبے میں بچوں کی شادی کو روکنا اور ان کے حقوق کا تحفظ کرنا ہے،مذکورہ بل وفاقی شرعی عدالت کے ازخودنوٹس لینے کے بعد تیار کیا گیا ہےقانون کا مسودہ صوبائی حکومت نے صوبائی کمیشن آن سٹیٹس آف ویمن محکمہ سماجی بہبود کے تعاون سے تیار کیا ہے، بل منظوری کے لیے جلد صوبائی اسمبلی میں پیش کیا جائے گا، کیس کی سماعت غیر معینہ مدت کیلئے ملتوی کر دی۔
